係靚景下挑戰自我！出發新西蘭體驗戶外刺激無限，仲有唔同艙位平飛等緊你！ – 新西蘭航空

Published October 22, 2018 · Updated October 22, 2018

今個冬天唔想淨係匿埋喺屋企？一於去新西蘭曬下太陽啦！10月至11月係新西蘭嘅初春，天氣啱啱好係旅遊嘅黃金時間。

自問大膽嘅你，仲可以喺新西蘭嚟一場冒險之旅！無論係北島定南島都有大量驚險刺激活動！

上山下海都冇問題！即睇有咩好玩啦！

奧克蘭 – 另類方式欣賞自然景色

想落水玩，除咗有出名嘅白水漂/黑水漂，喺鄰近奧克蘭嘅小鎮陶波就有得玩瀑布激流。遠望就係震撼嘅陶波瀑布，係陽光照射下呈現翠綠色嘅湖水，水流急速捲起白浪，坐係橡皮艇上面由上游一口氣衡落嚟，真係非常之刺激呀！

Zipline亦是一個欣賞靚景必玩嘅活動！位於北島嘅羅托路亞都有得玩！由高處望落去，又係一番感受！

威靈頓 – 突破極限山路單車

平時行山用腳行，有冇諗過踩單車去探索一下？假如單車環島遊一直都係你嘅旅行方式，咁就更加要試下騎越野單車啦！要留心啊！每踩一段路你都會發現唔同嘅新景色，完全唔會覺得攰！威靈頓有唔少沿海山丘，都是新手都可以一試嘅登山之地！

基督城 – 徒步於冰山下

我們係香港隨處見到山，但冰山就一定冇！想欣賞壯麗嘅阿爾卑斯山脈中嘅巨大冰川，就要嚟到庫克山國家公園。即使係夏天太陽照耀之下，依然見到白茫茫嘅雪頂！

皇后鎮 – 極限挑戰

咁多活動入面，如果只可以玩一樣，小編一定係推介大家「空中跳傘」！當你坐飛機上天，一躍以下，俯視大自然景色，絕對係畢生難忘嘅景象！唔好以為咁高跳落嚟會好驚～只要望到眼前嘅美景，緊張嘅心情一下子就會消失，取而代之嘅就係掩蓋唔到嘅喜悅呀！

——————————————————

飛咁長時間緊係舒服最重要啦！新西蘭航空已經連續五年(2014-2018)榮獲AirlineRatings.com 年度最佳航空公司、2018 TripAdvisor「旅行者之選」全球十大最佳，舒適同服務都一定達標呀！係口碑同信心之選！由香港直飛至奧克蘭更可接駁超過400班內陸機去新西蘭20個目的地，玩盡成個新西蘭就啱曬啦！

想有不一樣的享受，不妨upgrade做經濟艙空中梳化、豪華經濟艙同豪華公務艙，除左有更多嘅私人空間，仲可以品嚐富有新西蘭特色嘅美酒美食添！

小編教埋大家一個小tips，其實唔一定要來回全程upgrade，大家不妨自由選擇其中一程升級，例如可以去程經濟艙 + 回程豪華經濟艙或豪華公務艙，更有彈性之餘，又實惠！

經濟艙Skycouch獨家嶄新設計的經濟艙

新西蘭航空推出嘅經濟艙Skycouch，一排有三個座椅可以輕鬆轉換為平坦椅面，全程訓住過！

Skycouch嘅私人空間有額外腳踏可選擇放上或放下、作60度及90度調整，靠窗口扶手可拉起，以便變成梳化，鍾意平訓又得、挨住另一半睇戲又得。對於一家人、情侶或者想擁有額外個人空間的人嚟講，經濟艙位都可以享受私人一刻。