鴨寮街平靚正內地上網SIM卡比拼!「鴨聊佳」三大優點:穩定兼可share!仲送多一日用量!中國內地1日/3日4G上網SIM卡只需$35起

呢期真係無咩爆抵機票優惠可以介紹,不如等小編同大家講下上網SIM卡啦!

每逢週末,唔少朋友都會近近地返大陸去網紅cafe食好嘢,飲喜茶咁!

忙住開map同打卡share,唔少人都會去深水埗鴨寮街買SIM卡,價錢平之餘又多選擇,夠哂方便!

不過市面上選擇多容易令人花多眼亂,怕買貴又怕唔work又要登記,去到外地先發現用唔到就麻煩!

呢期小編喺鴨寮街睇過唔同牌子嘅內地SIM卡,見有張新出中港共用4G上網SIM卡「鴨聊佳」。

呢張卡分一日同三日卡,三四十蚊左右就有交易, 啱曬快閃內地嘅朋友!

即刻睇「鴨聊佳」中國內地數據卡3大優點!

1. 夠平!低至$15/日,仲送多1日?!

大家都知道喺鴨記買SIM卡,售價一般都會平過張卡標示既面值!

小編發現「鴨聊佳」中國內地1日/3日4G上網SIM卡面值分別為$48同$58。

但綜觀鴨記SIM卡檔口,1日卡大概賣$35-40,而3日卡大概賣$45-50,最平8折唔使就可以入手!

另外小編發現「鴨聊佳」啲數據用量係開卡後從翌日起開始計算,即係買1日實際可以使用2日,3日卡實際可以用4日!

送1日用量計,1日卡黎計實際仲抵過數記雀仔卡$20/日!就算只係一日來回內地,剩餘數據喺限期內返到香港都用得,咁都抵返!

2. 數據量大!最啱時刻打卡!

要時刻影靚相update 社交平台又要搵路,無返咁上下data都唔掂!

「鴨聊佳」1日卡有1GB 數據用量,普通上下網打卡同用地圖絕對夠用,3日卡係無限數據用量,但1GB後會限速至128kbps。

價錢相若嘅同類型產品,數記雀仔卡300MB後就限速,而C記儲值卡只得500MB;

市面上雖然仲有張類似嘅3日上網卡,1GB後限速,不過只適用於廣東及香港,而「鴨聊佳」就中國內地都用得,而且喺內地係用中移動網絡,網絡穩定可靠。

3. 可以share data!當Wi-Fi蛋!

「鴨聊佳」支持數據共享至其他裝置!

買一張卡就可以share俾同行朋友,唔使好似Wi-Fi蛋咁又要叉電同拎機!

不過如果用量大、人數多又會同朋友分開行,咁就最好自己都買返張,反正一張都係幾十蚊!

小編總結:高流量平價之選!快閃值得一試!

小編比較完各款價錢相若嘅內地SIM卡,新出呢張「鴨聊佳」價錢唔貴,如果想平平地去幾日內地又唔係太大用量就啱曬。